2013-cü il dekabrın 21-də "Kapellhaus"da H.Neyqauzun 125 illik yubileyinə həsr olunmuş gənc pianoçuların ümumşəhər Festivalının iştirakçılarının   yekun konserti keçirilmişdir. Konserti məktəbin direktoru, Xalq Artisti Teymur Göyçayev açaraq bildirmişdir ki, Festivalın keçirilməsində məqsəd gənc istedadları dəstələmək, fortepiano ifaçılıq sənətini inkişaf etdirmək, müxtəlif təhsil müəssisələri arasında əməkdaşlıq əlaqələrini möhkəmləndirmək olmuşdur. Festival çərçivəsində H.Neyqauzun yaradıcılığına, pedaqoji irsinə, ümumiyyətlə  fortepiano ifaçılıq sənətinə dair mühazirələr, açıq dərslər keçirilmişdir.